Unser Hof

Seit mehr als 260 Jåhr steh' i do im Tål
und nix håt mi gebråcht zu Fåll
Wånn i gebaut wordn bin, waß niemand mehr
åber es is schon a Zeit lång her

Wunderhof håm se mi dåmåls genånnt
und so bin i heit noch im Gailtål bekånnt
A Schulhaus wår i zu Maria Theresias Zeit
und durch die Jåhrhundert håb i gsegn Freud und Leid

Doch 1970 håbn mi Roswitha und Franz Zankl in ihren Besitz übernommen
und då håb i a neues Aussehn bekommen.
Mit viel Geschick und Mut håben sie in die Zukunft gschaut
und 1973 nebn mein Ståll a neues Haus hingebaut.

5 Mädchen håben sie in 21 Jåhrn das Leben geschenkt
und alles mit viel Kraft und Herz gelenkt.
Die Årbeit ging und geht bei mir nie aus,
deswegn årbeiten die Roswitha und der Franz noch fleißig am Hof und im Haus.

In die 70-er Jåhr håm se den Hof durch Milchwirtschåft betrieben,
doch dabei is es nit geblieben.
Meine Chefleut håm gsågt: „Wir müssen uns spezialisieren“
und håben ångfången den köstlichen Speck vom Wunderhof zu produzieren.

Nie war wirklich Zeit zum Råsten und Ruhn.
Bei mir håt’s immer wås geben zum Tun.
Ob Urlaub am Bauernhof, Direktvermarktung, Bauernmarkt, was es auch sei,
meine Besitzer wårn von der ersten Stunde ån dabei.

1990 håben sie auch die Gästezimmer renoviert
und dazua a noch den Dåchboden adaptiert.
So ist im Laufe der Jåhre ålles gwordn schen,
weil se ham für mi ghåbt an Haufn Ideen.

1991 håt’s gebn am Hof a großes Fest,
då sen kummen an Haufn Gäst.
Die Michaela håt gfundn an Ehemann,
der in der Landwirtschaft fest ånpacken kånn.

Båld drauf sen kummen nach der Reih
die Striedner-Buabn, davon glei drei.
Zuerst der Thomas, dann der Sebastian
und 2000 als Jüngster noch der Florian.

Da Bernhard der erste Schwiegersohn wår schon immer a fleißiger Bua
wenn er am Hof wår, håt er nie gebn a Ruah.
Vor ållem die Pferdezucht is sei große Freid,
trotzdem håt er zum Helfen immer gfunden a Zeit.

Und nåch einigen Lehrjåhren wår’s dånn so weit,
der Franz håt ihn in das Geheimnis der Speckproduktion eingeweiht.
Seit dem årbeiten die beiden Hånd in Hånd
und måchen den Wunderhof-Speck im gånzen Tål bekånnt.

2003 ist der Franz in Pension gegången
und die Roswitha håt mi als Gånzes übernommen.
Doch anige Jåhr später kam wieder a Wende
und i bin kummen in jüngere Hände.

2010 wurde a neues Kapitel Wunderhofgeschichte geschrieben.
Und zu meiner Freude bin i im Familienbesitz geblieben.
Jetzt håb i neue Besitzer, die mi verwålten
aber trotzdem bedånk i mi gånz herzlich bei den „Ålten“.

Am 31. März 2020, i kann’s noch immer schwer fåssen,
hat uns da Åltbauer Franz für immer verlåssen.
Da Wunderhof war immer sei Hort und sei Heim.
Liabe Frånz DANKE für ålles, du wirst unvergessen sein.

Unter meim Dåch sen jetzt 3 Generationen,
die då versuchen in Frieden zusammen zu wohnen.
I als Wunderhof freu mi auf das weitere Leben
und wünsch Ålt und Jung viel Glück und Gottes Segen.